Graveurmeister

Clemens Dümpelmann

* 9. Mai 1895 Menden/Schwitten

+ 25. Juni 1983 Menden

 

 

 

Schriften:

 

Düört Johr.

Van Blaumen, Vüegeln und Mensken

Gedichte in Mendener Platt

1979

 

 

 

 

Bildquelle: Stadtarchiv Menden

Kruisdracht

 

Am stillen froidach geuth in Menn'n

De Kruisdracht Johr füör Johr.

Twoi fromme Büörger driäget dann

Dat Kruis taum Biärg säo swor.

 

Düör Plünnern, Pocken, Pest un Brand

Lagg de Stadt in gräoter Näut.

Do geluowern Root un Büörger,

Taum Biärg te gohn, in Näot un Däot.

 

Twoihunnertfiftig Johr un mär

Iss düöse Kruisdracht gohn,

Dien eusten Gank in Näot und Däut

Hiät Wennemar Schmittmann dohn.

 

Soit düösem Johr, op düösen Dagg,

De Kruisdracht trecket riut.

Kain Unwiär hält se dovan aff,

Se fell nit oinmol iut.

 

Bai schullert niu dat swore Kruis?

Oiner füörn swor Kranken;

Oiner luowert im lessten Kroig;

Oiner well Guott danken.

 

Viell Diusende dai trecket met,

Se saith dien Gank in'n Däot.

Biät un singet ernte Laier,

Noch iss de Welt vull Näot.